69 տարի է անցել այն
օրից, երբ սովետական բանակը վերջապես պարտության մատնեց ֆաշիստական Գերմանիային:
Մայիսի 9-ը նախկին Սովետական Միության երկների համար մեծ ցնծության օր է, իսկ մեր`
հայերիս, համար եռակի հաղթանակի ամիս: Յուրաքանչյուր տարվա մայիսին մեր համայնքը
նշում է Հայրենական մեծ պատերազմի հաղթանակի, Շուշիի ազատագրման և ՀՀ առաջին
անկախացման օրը:
Միջոցառմանը մասնակցում էին դպրոցականներ, մանկապարտեզի սաներ,
ուսուցիչներ, պատերազմի վետերաններ, որոնք էլ հիշողություններ պատմեցին պատերազմի
արհավիրքից: Շնորհավորելու էին եկել նաև Արցախյան գոյամարտի մասնակիցներ, որոնք
վկայեցին, որ արժանի զավակներն ենք մեր պապերի, հաղթել ենք անհավասար մարտում ու
թշնամին թող իմանա, որ ճամփա ունենք դեռ անցնելու…
Միջոցառումն
եզրափակեց
համայնքի
ղեկավարը` վետերաններին ու զոհված ազատամարտիկների ծնողներին նվերներ հանձնելով,
ինչպես նաև հրավիրեց հուշաղբյուր` բաժակ-բաժակի զարկելով շարունակել օրվա
խորհուրդը:
