Գարուն. նոր կյանքի սկիզբ, նոր ձեռքբերումներ, նոր իրադարձություններ...
Ասում են` մարդն իր կյանքի ընթացքում պետք է ծառ տնկի, տուն կառուցի, երեխա ունենա: Մեր համայնքն էլ այս տարի փորձեց վերաիմաստավորել գարնան գալուտը ծառատնկմամբ: Ինչպես սերմն է հողից ծիլեր առնում, սերմը փոխանցելով գալիք սերնդին, այնպես էլ մեր համայնքը ծառատունկին հրավիրել էր 70-ամյա պապերին: Պապերն էլ թոռների ուղեկցությամբ, գլխավոր փողոցի երկայնքով ծառը հողին պահ էին տալիս ու ասում,- հետնորդս իմ բացակայությունից հետո ծառն անջրդի չթողես: Արցախյան շարժմանը զոհված վեց քաջորդիների անունից ևս ծառեր տնկեցին մերձավորների կողմից:
Ծառատնկմանն իր ակտիվ մասնակցությունն ունեցավ նաև Սարգիս Աթոյանը` նվիրելով 100 բարդի, որոնց էլ բարձր դասարանցիները տնկեցին գյուղի ծայրամասում գտնվող խաչքարի շրջակայքում: Ծառերը գտնվում են համայնքի ուշադրության կենտրոնում` ցանկապատված են և ստանում են ամենօրյա խնամք:
Комментариев нет:
Отправить комментарий